Raiffeisen Superliga/ Trepça'89 rikthehet në pozitën e parë
nga AlbaniaSoccer   E hënë, 22 Tetor 2012 13:50   Shtyp

raiffasen_superliga_KosovesSkuadra e Trepçës’89 është rikthyer në pozitën e parë në renditjen e Raiffeisen Superligës, pasi sot ka shënuar fitore në derbin lokal kundër Trepçës, në kuadër të javës së 7-të, me rezultat 1:0. Kësisoj, Trepça’89 ka shfrytëzuar barazimin e Prishtinës në Vushtrri kundër Llamkos Kosovës dhe tashmë kryeson me një pikë më shumë se skuadra kampione në fuqi. Golin e vetëm në sfidën e zhvilluar në “Riza Lushta” e realizoi Lorik Maxhuni, me gjuajtje me kokë pas harkimit të Shemsi Osmanit.  Me të njëjtin rezultat (1:0) fitores si vendas  i është gëzuar edhe Feronikeli në duel me Vëllaznimin. Golin për tri pikë tejet të rëndësishme për skuadrën e Ramiz Krasniqit e ka shënuar Fitim Haliti, në minutën e 88-të. Ndërkohë, Hajvalia është treguar bindshëm më e mirë se sa Liria, duke e mposhtur me rezultat 3:0. Në anën tjetër, Drenica ka vazhduar rekordin e barazimeve, kësaj radhe duke arkëtuar një pikë në duel me Hysin në Merdar. Për skuadrën kuqezi nga Skënderaj ky ishte barazimi i shtatë në këtë edicion.

Raiffeisen Superliga
, Java XI

Trepça'89-Trepça             1:0
Besa-Drita                        1:1
Hysi-Drenica                     0:0
Hajvalia-Liria                    3:0
Feronikeli-Vëllaznimi         1:0
Kosova (V)-Prishtina        0:0

Liga e Parë
, Java e X

2 Korriku – R. Sadiku        3:1          
Ferizaj – Deçani                 3:2  
Dukagjini – Flamurtari        2:2
Istogu – Gjilani                   1:0
KEK-u – Lepenci              3:2
Ulpiana – F. Kosova          0:1
Kosova (P) – Vitia             2:1
Mushtishti – Llapi               2:2

komente