Te marten ne 19 korrik Shkupi do te mbushet plot e perplot nga shqipetaret e ardhur nga te gjitha trevat. Mediat serbe, ato kosovare dhe mediat shqiptare ne maqedoni shkruajne se parashikohet qe ne kete ndeshje te kete tension dhe gjate dites mund edhe te ndodhin dhe  incidente. Masa te larta sigurie po merren.

Ndeshja e kthimit ndermjet Shkendijes dhe Partizanit, e cila do te zhvillohet te marten e ardhshme ne Shkup, pritet te jete shume e nxehte. Tetovaret veshtire se mund te rrezikojne kualifikimin e ekipit serb ne rrethin e trete te kualifikimeve per Ligen e Kampioneve pas humbjes se thelle ne Beograd (4:0), por kete takim te nxehte pritet ta bejne tifozet tetovare ‘Ballistet’. Nje dite pasi klubi i Partizanit i ka lutur tifozet e vet ne Maqedoni qe mos t’ia mesyjne stadiumit te Shkupit, portali serb Kurir.rs ka raportuar te premten se tifozet shqipetare duan te hakmerren ne menyre te tmerrshme per fyerjet e shumta qe ‘Grobari’ ua kishte bere futbollisteve te Shkendijes ne Beograd gjate gjithe ndeshjes, duke kenduar kenge fyese per shqipetaret. Madje, sipas ketij portali, ‘Ballistet’ po pergatiten per ta ‘pergjakur’ diten e marte me gjakun e atyre tifozeve qe do ta kene guximin per te shkuar drejt stadiumit per ta mbeshtetur Partizanin. Kete raportim Kurir.rs e ka bere pasi i ka monitoruar disa shkrime te tifozeve shqipetare neper forume te ndryshme ne internet. 
Nderkohe, vete drejtuesit e ‘Ballisteve’ kane deklaruar se Partizanin do ta presin ne Shkup ashtu siç ishte pritur Shkendija ne Beograd nga ‘Grobari’, duke aluduar se do t’i fyejne  ne forme te njejte bardhezinjte siç ishin fyer kuqezinjte nga tifozet serbe, te cilet u kishin kenduar kenge fyese per shqiptare si: ‘Kush nuk kercen eshte shqiptar’, ‘Mbyte shqiptarin’, etj. 
Me marreveshjen mes dy klubeve, tifozet tetovare nuk ishin lejuar te udhetonin drejt Beogradit per ndeshjen e pare. Sipas marreveshjes, as tifozet e Partizanit ‘Grobari’ nuk do te lejohen te udhetojne drejt Shkupit ne ndeshjen e dyte, me qellim qe te evitohen ekseset e mundshme.