Teuta ka mundur Tiranën duke shënuar një poker golash në portën e bardhebluve. Djemtë e Detit në një formë mjaft të mirë kanë kaluar lehtësisht bardheblutë në ndeshjen miqësore të luajtur në stadiumin Niko Dovana. Bledar Mancaku ka hapur serinë golave e pas tij kanë shënuar Murriqi, R. Hoxha dhe A. Hoxha më pas. Tirana nuk ka patur forcë për të reaguar dhe ka luajtur dobët përgjatë gjithë ndeshjes. Bardheblutë po kalojnë momente të vështira dhe skuadra aktuale është shumë larg pretendimeve që Tirana ka patur gjithmonë. Teuta po zhvillon përgatitje serioze dhe tani skuadra bëhet gati për fazën përgatitore në Bullgari.