Futbollistët e Prishtinës kanë fituar tri pikë  në garën për titullin kampion, duke e mposhtur kampionin në fuqi, Hysin në Merdar, me rezultat 3-2.

Astrit Fazliu ka shënuar triplet në këtë sfidë (31’, 54’, e 56’) për kryeqytetasit, ndërsa Bajram Jashanica (45’) dhe Edon Zeqiri (50’) shënuan për vendësit.

Fitore që e mban fuqishëm në hap për titull ka realizuar edhe Trepça’89 para tifozëve të vet në duel me Drenica, me rezultat 2-1. Drenicasit kaluan të parët në epërsi, me golin e Egzon Gashit, mirëpo mitrovicasit arritën ta përmbysin rezultatin me golat e shënuar nga Kastriot Rexha dhe Shpëtim Idrizi.

Një pikë të rëndësishme ne trasfert ka arritur edhe Vëllaznimi në perballjel me Dritën, duke e mbyllur ndeshjen me shifrat 0-0. Me këtë pikë gjakovarët mbesin edhe më tutje me shpresa për titull.

Mjaft e paqartë mbetet edhe lufta për t’iu shmangur vendit të 10-të që dërgon në play-out. Lepenci ka marre tri pikë të mëdha në Kastriot në duel me KEK-un, me shifrat 6-5.

Ndërkohë, ne trasfert  ka fituar edhe Trepça, që aktualisht është në zonen e play-out, duke e mposhtur Gjilanin, me rezultat bindës, 4-0.  Kjo fitore dhe dështimi i Lirisë në Pejë në duel me Besën (1-3) i ka rritur shpresat e “xehetarëve” për t’iu shmangur pozitës së 10-të. Trepça  tash ka vetëm një pikë më pak se Liria.

Raiffaisen Superliga Java e XXX rezultatet:

Drita – Vëllaznimi                         0-0       
Trepça ’89 – Drenica                   2-1       
Besa – Liria                                 3-1
Hysi – Prishtina                            2-3
KEK-u – Lepenci                        5-6
Gjilani – Trepça                            0-4   (u luajt ne Ferizaj)