Sot ne qytetin e Cervias u zhvillua ceremonia mortore e futbollistit te Ravenes dhe te kombetares Shpresa te Shqipërisë Brian Filipi. Në katedralen e vogël të qytetit ishin mbledhur shumë njerëz për ti dhënë lamtumirën e fundit Brian-it. Mbi dy mijë njerëz kanë qenë të pranishëm në këtë lamtumirë të dhimbshme. Katedralia e Cervias ka qenë tepër e vogël për të mbajtur gjithë personat që kishin ardhur , ashtu sic nuk kishte vënde per lulet e shumta të sjellura nga ultrasit e Ravenës. Lule kanë mbërritur dhe nga Rimini, Cezena dhe Cervia. Të pranishëm kanë qenë kryebashkiaku i Cervias dhe Ravenës. Presidenti  i Ravenës me të shoqen. Trajneri aktual i Katanias ish i Ravenës Atzori i cili ka pasur te veshur një fanellë me mbishkrimin “Ciao Brian” ne perfundim te ndeshjes Katania-Lazio.

Ai ka thënë : “Për mua është sikur të kem humbur një djalë”.

I pranishëm ka qenë dhe ambasadori Shqiptar në Itali Z.Kola. Nuk mund të mungonte futbollisti i Kievos dhe i kombëtares Shqiptare Erion Bogdani i cili ka deklaruar se : “Golin e realizuar ndaj Xhenoas ja kam dedikuar Brianit të cilin e kam njohur kur unë isha në kombëtare dhe ai në kombëtaren U-21”.

Prifti Umberto Paganelli, i cili e kishte pagëzuar Brianin ka thënë meshën me gjysmë zëri i shkatarruar nga dhëmbja. Fjalët e tij kanë mallëngjyer të gjithë të pranishmit. “Ne të gjithë Brian të kujtojmë me atë të qenurit tënd të pastër dhe të bukur, ishe një djalë i shkëlqyer e kishe marrë jetën me impenjim dhe për  këtë ne të gjithë duhet të jemi të bashkuar për të cuar përpara mësimin dhe mesazhin tënd. Zot jepi rininë e përjetshme dhe na mbro të gjithëve me embëlsinë që Briani na dhuroi, me shpresën dhe vitalitetin e tij”.

Asnjë lojtar nuk ka pasur fuqinë të flasës, por e ka bërë kryebashkiaku i Cervias Roberto Zoffoli i cili tha : “ Boshllëku që do lesh tek Ravena Calcio është i madhë, por do të jetë më i madh ai që ke lënë tek Cervia qytet i cili të rriti. Ti dije se si ti bëje njerzit të të donin. Ishe simpatik, spontan, i dashur dhe ishe shumë i lidhur me qytetin. Mblidhemi rreth familjes tënde dhe të përshëndesim me shumë dashuri. Nuk do të harrojmë kurrë”.

Arkivoli me trupin e pajetë të Brian-it sonte do të qëndrojë në morgun e Cervias dhe nesër do të niset për në Shqipëri për tu varrosur.

Kel Naraci

Set as favorite

Bookmark

Email this

Hits: 4136

Comments (0)

Subscribe to this comment's feed

Write comment

Name

Email

Website

Title

Comment

smaller | bigger

Subscribe via email (registered users only)

Add Comment Preview