HOT NEWS
E enjte, 28 Mars 2024
  • Superliga
  • Kategoria 1
  • Kosova
Kombetarja/ De Biazi shpall listen anti Moldavi
nga AlbaniaSoccer   E shtunë, 11 Gusht 2012 17:28   pdfShtypEmail
Kombetarja-e-ShqiperiseTrajneri i Kombëtares shqiptare, Xhani de Biazi ka publikuar listën zyrtare me 21 futbollistët që do të ketë në dispozicion për miqësoren me Moldavinë.
Në portë konfirmohen Samir Ujkani dhe Etrit Berisha, në atë që pritet të jetë konkurrenca më e madhe e viteve të fundit për një vend titullari mes shtyllave.
Mbrojtja është reparti ku vazhdojnë eksperimentet. Pas dëmtimeve të Kristi Vangjelit dhe Debatik Currit, drejtuesi i stolit kuqezi kërkon alternativa të vlefshme. Ai ka zgjedhur që të lejë jashtë skuadrës kapitenin e Flamurtarit, Franc Veliu, ndërsa ka grumbulluar mbrojtësin Erion Dushku të Tiranës dhe Renato Arapi të Skënderbeut.
Ndërkohë, titullarët në repartin difensiv janë kapiteni Lorik Cana, Armend Dallku, Mërgim Mavraj dhe Andi Lila. Një emër të ri ka edhe në mesfushë. Përveç të konfirmuarve Bulku, Agolli, Roshi, Zeqiri, Hyka, Vila e Lilaj, në skuadër është rikthyer edhe Ledjon Memushaj, që së fundmi është transferuar te Leçe, ndërsa Erion Vucaj ka marrë thirrjen e parë pasi shkëlqeu në Champions me Skënderbeun.
Edhe në sulm ka shumë konkurrencë për fanellat e titullarëve. Përveç veteranit Bogdani dhe të rikthyerit Hamdi Salihi, në këtë repart janë grumbulluar edhe Edgar Çani dhe Elis Bakaj, të cilët garantojnë kualitet dhe gola.
Miqësorja e Shqipërisë me Moldavinë do të zhvillohet të mërkurën, më 15 gusht. Kuqezinjtë paraqiten në këtë sfidë pas dy fitoreve në takimet e fundit përgatitore me Katarin dhe Iranin, ndërsa ky është testi i fundit përpara startit të kualifikueseve të Botërorit 2014, ku Shqipëria debuton më 7 shtator ndaj Qipros në shtëpi.

Lista e lojtareve te grumbulluar:

1 Samir Ujkani                   05.07.1988           Palermo
2 Etrit Berisha                    10.03.1989           Kalmar
3 Lorik Cana                     27.07.1983           SS Lazio
4 Armend Dallku               16.06.1983           Vorskla Poltava
5 Erjon Dushku                  25.02.1985           KF Tirana
6 Andi Lila                         12.02.1986           PAS Jannina
7 Mergim Mavraj               09.06.1986           SpVgg Greuther Furth
8 Renato Arapi                  28.08.1986           SK Skenderbeu
9 Sabien Lilaj                    10.02.1989            SK Skenderbeu
10 Odise Roshi                  22.05.1991           FSV Frankfurt
11 Jahmir Hyka                  08.03.1988           Luzern
12 Emiljano Vila                 12.03.1988           PAS Jannina
13 Ledjon Memushaj         07.12.1986           US Lecce
14 Ansi Agolli                    11.10.1982           Qaraback
15 Hair Zeqiri                    11.10.1988           Rizespor
16 Ervin Bulku                   03.03.1981          Sepahan
17 Erjon Vucaj                  25.12.1990           Laci
18 Elis Bakaj                     25.06.1987          Chernomorets Odessa
19 Hamdi Salihi                 19.01.1984           DC United
20 Edgar Çani                   22.07.1989           Pa skuader
21 Erjon Bodgani              14.04.1977           Siena

busy
komente
 

Lajmet e Fundit

    Lajmet me te lexuara

      Komentet e fundit