Të zhgënjyer. Edhe në radhët e Kombëtares, humbja 2-1 me Gjeorgjinë ka lënë një shije të hidhur. Shqipëria nuk bindi me rezultat dhe me lojë. Disa episode të pafata nuk janë justifikimi i një paraqitje alarmante.

“Nuk morëm përgjigjet që prisnim nga skuadra. Megjithatë kjo mund të shpjegohet me disa arsye. Një pjesë e madhe e lojtarëve ende nuk janë në formë optimale, sepse kampionatet nuk kanë nisur. Gjithashtu kishim shumë mungesa. Do të bëj të gjitha vlerësimet e nevojshme, edhe pse duhej ta administronim më mirë ndeshjen kur ishim në avantazh. Në golin e parë u çekuilibruam në mënyrë të frikshme. Ishte një miqësore dhe gjërat do të ndryshojnë”-thotë De Biazi.

Autori i golit, Erjon Bogdani është më i drejtëpërdrejtë. Lojtari i rekordit me 18 gola për Shqipërinë jep alarmin. Te Gjeorgjia i kanë arsyet për të qenë të kënaqur.

“Kishim ardhur për të fituar, ky është objektivi ynë në çdo ndeshje. Është gjithmonë kënaqësi të luash në Tiranë. Si gjithmonë, edhe këtë herë përballë Shqipërisë ishte e vështirë”.

Ndeshja e radhës e Kombëtares është kualifikuesja e 22 marsit në fushën e Norvegjisë.