Flamurtari ka shfryre nervat mbi Dinamon duke i shperfytyruar ne Vlore me nje goleade. Gjashte gola i kane shenuar bluve duke mos i toleruar fare blute nga kryeqyteti. Serine e golave e kane nisur dinamovitet. Goli ne minuten e 5-te shenuar nga Igli Allmuca frikesoi tifozet vlonjat te cilet menduan se skuadra e tyre mos ndoshta nuk e kishte kaluar akoma momentin e keq te javeve te fundit. Ka mjaftuar Daniel Xhafa per te kthyer buzqeshjen e vlonjateve duke shenuar nje dopiete ne minuten e 20-te dhe te 33-te. Odise Roshi ka trefishuar rezultatin duke i treguar Dinamos se fitorja do ti perkase skuadres se tij. Ne fushe lufta sportive nuk ka munguar dhe ndeshja dhuroi spektaklin e nevojshem per te kenaqur tifozerine qe kishte ardhur ne stadium. Ne pjesen e dyte do te shenoheshin edhe kater gola te tjere. Dinamo per pak momente duket sikur do te rifutet ne loje ku me golin e Lales ne minuten e 50-te ngushton rezultatin ne 2-3. Vlonjatet kunderpergjigjen dhe shenojne gola te tjere me Lenen ne minuten e 63-te, Prognin ne minuten e 73-te dhe qershine mbi torte do ta vendoste portieri Shpetim Mocka qe shenoi nga pika e bardhe e penalltise ne minuten e 83-te. Flamurtari ka marre tre pike te rendesishme me kete fitore ne shtepi dhe ka mbajtur hapin e Skenderbeut te vendit te pare qe fitoi sot 2-0 ne shtepi me Lacin.

Enea Shtrepi