Sulmuesi i Prishtines Astrit Fazlliu i cili ndodhet ne Malmo te Suedise ku u testua ne disa prej klubeve te Kategorive te ndryshme te kampionateve Suedeze ka perfunduar bisedimet me skuadrat e interesuara dhe ka vendosur qe momentalisht te mos nenshkruaje me asnje klub.

"Pas testimeve qe pata, perfundimisht i kam mbyllur bisedimet me drejtuesit e skuadres Limhamn Bunkeflo dhe nuk kemi rene dakort per kontrate. Kjo sepse nuk rame dakort per kushtet e kontrates", u shpreh sulmuesi Prishtinas per Albaniasoccer.com

Fazlliu, ka vendosur qe te rikthehet ne Prishtine dhe te filloj pergatitjet me ish skuadren e tij, FK Prishtina

"Ndonese, nuk u arrit marreveshja me kete ekip dhe me asnje nga ekipet e tjera te interesuara perseri deshira nga skuadrat e huaja per te me testuar vazhdon", u shpreh Fazlliu ne vazhdim te bisedes duke shtuar se kete rradhe jane ekipet Finlandeze te interesuara.

"Ka interesim nga klube Finlandeze dhe pas 1 ose 2 muajsh do te shkoj per testime. Nuk jam shume i sigurte se cilat jane ekipet, sepse manaxheri im vazhdon akoma te kete bisedime me skuadrat e interesuara, por jam ne dijeni vetem te interesimit", perfundoi prononcimin e tij per Albaniasoccer.com nga Malmo e Suedise sulmuesi Atrit Fazlliu