Flamurtari eshte hakmarre ndaj Bylisit te cilet i ka mundur me nje futboll te bukur dhe gola ne stadiumin “Adush Muca” qe ishte i mbushur plot me tifoz nga te dyja ekipet. Flamurtari ka gjetur suksesin e munguar ne qytetin e Ballshit duke permbysur me merite rezultatin e fiksuar ne pjesen e pare.

Ne pjesen e pare loja ka qene e luftuar dhe te dyja skuadrat pasi kuptuan se si do te luante secila nisen te beheshin me agresive. Bylisi arriti te zhbllokonte rezultatin ne minuten e 36-te pas nje goli te shenuar nga veterani i sulmit Fjodor Xhafa. Vlonjatet gjeten forca te reagonin dhe i detyruan vendasit te ktheheshin mbrapa ne mbrojtje.

Me fillimin e pjeses se dyte Flamurtari u be me kerkues dhe per te ndryshuar rrjedhen e lojes duhej te futej ne fushe sulmuesi Mlladen Brkic. Fillimisht ishte Nijaz Lena ai qe shkarkoi te majten dhe barazoi rezultatin ne minuten e 65-te. Bylis hidhet ne sulm ne kerkim te avantazhit por has veshtiresi ne mbrojtjen vlonjate. Kur dukej se po mbaronte ne barazim Vilfor Hysa shfrytezon nje asis nga Brkic dhe shenon golin e dyte. Nga ai moment situate tensionohet dhe tifozet nisin te ofendojne e gjuajne me sende te forta gjyqtaret anesore. Flamurtari merr nje penallti ne fund qe kthehet ne gol nga kapiteni Sakaj. Gjyqtari Taullai nderpret ndeshjen nje minut para se te mbaronte shtesa sepse anesori u godit me sende te forta ne fytyre nga tifozet e u gjakos.

Flamurtari mori tre pike te cmuar ne Ballsh dhe tani i eshte vene nga pas Tiranes dhe Teutes kryesuese me nje pike me pak se keto dy skuadra.

Kliko - Skeda e ndeshjes